Dallas Chin Baptist Church mission rian ah a hmaithlakmi kan is bantukin kawlram chungah ram mui a si mi Rakhine ram le Magway Division, hmun pahnih, ah mission rian kan tuan. Rakhine ram, Ann Peng hi kan phun unau a simi Asho Chin pawl an umnak a si i 1865 ah ABM (American Baptist Mission), ZBC le TBA nih chan tampi pehzulh in mission rian rak tuan nak a si. Magway Peng, Yesakyo mission cu ZBC a tu CBC nih rak thawkmi a si i 2011 thawk in DCBC nih zohkhenh kan rak i thawk. ICBM nih tuan liomi thlang lei laitlang Paletwa Peng zong ah DCBC nih missionary kan zohkhenh hna. 

          Bawi Jesuh nih a kan fial bantukin (Matthai 28:19) DCBC zong nih kan thazaang dihlak chuah in Pathian Ram kauhnak ding ah kan tuan. Kan tuahtuan mi hna cu a tlangpi in:

• Missionary thlah le zohkhenh (Sharing the Gospel)
• Tipil pek le zultu nun cawnpiak (Baptism & Discipleship)
• Biakinn sakpaik le Khrihfabu dirh (Church Planting)
• Ngaktah cawm le mihar sianginn kaiter (Orphanage & Education)
• Khuate an herhmi sersiam piak (Providing safe water & Electricity) 

          Mission kan tuannak i kan lai unua hna i taksa damnak, cawva ngeihchiah, fimnak cawnnak le thlarau lei in a sifak ngai mi an si hna (tanglei hmantlak ah an nunning tete kan rak langhter). DCBC nih khrihfabu thazaang in si seh, pumpak le innchungkhar thazaang in si seh zungzal in tuan hi Pathian nih a timhtuah piakmi le kan hmuitinh cu a si. DCBC mission tuannak ah thlacamnak in maw, nunnak pek in maw, chawva in maw thazaang in maw tel na duh ah cun E&M Committee sin ah pehtlainak tuah khawh a si (Ministry tinak zon ah). Email zong in pehtlaihnak tuah khawh kan si. dcbcusa@gmail.com